LEGAZPI CITY-Nakataas ngonian an Red Rainfall Warning sa Bataan asin nagkapirang parte kan Cavite, Batangas asin Zambales puon ngonian na aga, Miyerkules, huli sa makusog na pag-uran dara kan pinakusog na Southwest Monsoon o Hanging Habagat.
Basado sa 2 a.m. advisory, nasa irarom kan Red Warning an bilog na Bataan, siring man si Ternate, Maragondon, Magallanes, General Emilio Aguinaldo asin Alfonso sa Cavite.
Nasa irarom man kan Red Warning an Nasugbu, Calaca, Balayan, Tuy, Lian asin Calatagan sa Batangas, asin Subic, Olongapo, Castillejos asin San Antonio sa Zambales.
Mientrastanto, an mga parte kan Cavite, Zambales, Tarlac, Pampanga, Bulacan asin Batangas an nasa irarom kan Orange Rainfall Warning, kun saen padagos an huma kan pagbaha.
An Rizal asin Metro Manila nasa irarom kan Yellow Rainfall Warning, siring man an mga parte kan Tarlac, Nueva Ecija, Bulacan, Quezon, Laguna, Batangas asin Pampanga.
Posible an pagbaha sa mga lugar na madaling mabaha.
Maluya sundo sa katamtaman na pag-uran na may paminsan-minsan na makusog na pag-uran an nilalaoman sa parte kan Nueva Ecija, Quezon asin Laguna asin posibleng magpadagos sa masunod na tulong oras.
