LEGAZPI CITY—Inisyuhan nin warrant of arrest kan korte an chairperson kan Kilusang Mayo Uno na si Jerome Adonis makalihis an suboot pagbalgar sa Article 153 kan Revised Penal Code o tumults and other disturbances of public order.
Ini an kasunod kan ginibong pagprotesta kan saindang grupo kan Mayo 1, 2026 o Araw ng Manggagawa.
Segun ki Adonis, sa intrevista kan Bombo Radyo Legazpi, na duwang set nin kaso an pigsunad kontra saiya asin sa grupo kun saen enot digdi an mapadapit sa wara suboot sindang permit sa pagprotesta na sa ngunyan nagpapagos an hearing.
Ikaduwa an pagsirbi nin warrant kontra saiya asin duwang iba pa na saiyang ikinakigkig huli sa wara sinda na nakuang subpoena nganing idepensar an sadiri sa preliminary investigation.
Inisyu an arrest warrant kan Hulyo 30 ni Presiding Judge Bernadette Eugenio-Tumacder kan Manila Metropolitan Trial Court Branch 28.
Inihayag ni Adonis an lakdang an sarong pambabastos huli sa pigpapahiling suboot an pangha-harass sa saindang grupo.
Ipigdoon kaini na obheto kan gobierno na patahimikon an gabos na nagtataram laban sa kapalpakan kan gobierno.
Sa presente, nagkokonsulta na sinda sa mga abogado para sa legal remedies.
Tinawan-doon kaini na malinaw sa Konstitusyon na direchos kan namamanwaan na magprotesta asin iluwas an saiyang hinanakit sa gobierno.
