LEGAZPI CITY-Kontra an LENTE PH sa Barangay and Sangguniang Kabataan Election (BSKE) postponement asin nag-apela sa Kamara de Representantes na ibasura an House Bill, siring man na nangapudan sa Kongreso na labanan an dugang pang mga pagprobar na ipagpaliban an BSKE ngonian na taon.
Segun kay LENTE PH Executive Director Ona Caritos, sa intrevista kan Bombo Radyo Legazpi na tutol sinda sa postponement kan BSKE asin sa hiling ninda saro ining kasalanan sa direchos kan mga namamanwaan na makapag-boto, na dapat pigsasagibo ini sa regular periodic interval.
Sinabi ni Caritos na an postponement kaini sarong violation sa Macalintal vs COMELEC na dai posibleng pugulan an election kan Kongreso, kun sain piggigibo suboot na rason an pagtitipid sa tahaw kan fuel crisis.
Tinawan doon man kan opisyal na saro ining “Carrot” kan mga opisyal kan Barangay asin Sangguniang Kabataan ngai palawigon an saindang termino, orog na saro sinda sa mga movers ngonian na papaabot na an 2028 election.
Sinabi pa niya na ini suboot an pirmihang konteksto na pinanggagalingan kan mga lehislador kun nata pigbubusol na pugulan an eleksyon.
Pinakadakulang epekto suboot kan postponement an pag-deprive sa direchos kan gabos na makapag-boto asin palitan an mga Barangay officials na sa hiling ninda dai nagpe-perform nin maayos sa serbisyo.
