Pinahimutikan ni dating House Speaker asin Leyte Representative Martin Romualdez ang paratang kan Ombudsman na siya suboot an nasa likod kan pagbawi kan mga affidavit kan pirang dating bodyguard ni dating Ako Bicol Party list Representative Zaldy Co.
Sa sarong pahayag, sinabi ni Romualdez na warang katotoohan an akusasyon asin ipigdoon na pigpapahiling sana kaini an suboot pangigipit laban saiya.
An pagbawi kan ”maleta boys” sa saindang mga salaysay an nagpapatunay sana suboot na sala asin gibo-gibo an mga paratang laban sa inuugnay saiya sa flood control anomalies.
Dagdag pa kan kongresista, handa niyang hampangon an gabos kan alegasyon asin patunayan an pagigin inosente.
Mientrastanto, sinabi naman ni Ombudsman Jesus Crispin Remulla na pwedesir mahampang sa kaso an tulong dating bodyguard na umatras sa saindang mga naenot na testimonya.
Segun saiya, bako pabor an mga korte sa mga pagbawi kan affidavit, lalo na kun duwang beses nang nagtao nin magkaibang salaysay ang mga testigo.
Sinabi man ni Remulla na pwedesir suboot ibale bilang mga akusado ang mga dating security personnel kun dae na sinda maserbing testigo sa pigggibong imbestigasyon.
Padagos man iniimbestigahan kan Office of the Ombudsman ang mga reklamong plunder, graft, asin direct bribery na isinunad laban ki Romualdez katakod kan suboot pagtanggap kan mga kwartang gikan sa flood control scandal.
