LEGAZPI CITY-Kinumpirma ni US President Donald Trump na popoonan an panibagong negosasyon sa pagultanan ninda kan Iran ngonian na aldaw nin Lunes, Agosto 3, 2026.
Kasunod ini kan pagpapapundo kan inapod niyang posibleng massive strikes sa Iran sa paglaom na tulos makabilog nin sarong kasunduan ngani liwat na bukasan an Strait of Hormuz asin maresolbaran an dai pagkakasundo katakod kan nuclear capabilities kan Iran.
Kan nakalihis na weekend, sinabi ni Trump na naghagad an Iran asin Middle Eastern countries nin panahon ngani makumpleto an kasunduan na magreresulta sa “immediate, complete asin total” reopening o liwat na pagbubukas kan Strait of Hormuz asin pagwawakas kan nuclear threat kan Iran.
Segun kay Trump, isasagibo an negosasyon ngonian na hapon nin Lunes, asin dai na nagtao pa nin dugang na detalye kun sain ini gaganapon o kun sisay an mga maatendir.
Wara man nin tugon sa ngonian an kampo kan Iran katakod kan nasabing panibagong negosasyon ninda kan Estados Unidos.
