LEGAZPI CITY-Nairekord sa South Korea an pinakahalangkaw na temperatura makalihis na uminabot ini sa labing 41 degrees Celsius huli sa matinding heatwave.
Susog sa Korea Meteorological Administration (KMA), nalampasan kaini an dating national record na 41.0 degrees Celsius na nairehistro kan 2018.
An temperatura sa Yangsan naglampas na sa 40 degrees Celsius sa laog nin tulong magkasunod na aldaw huli sa matinding heatwave na naeksperyensyahan sa kadaklan na parte kan nacion.
Bilang resulta, an itinaas kan Korea Meteorological Administration an pinakahalangkaw na lebel kan heatwave warning sa nagkapirang lugar sa South Gyeongsang Province.
Napagaraman na an matinding init kawsa kan pagsabay kan North Pacific High asin Tibetan High pressure systems na nagkukulong nin mainit na parus asin nag-uulang sa pagporma nin panganoron.
Mientrastanto, padagos man an pagbabantay kan mga otoridad sa Typhoon Dolphin na posibleng makaapektar sa kondisyon kan panahon sa Korean Peninsula sa masunod na semana mantang dai pa masierto kun makakabawas ini sa matinding init sa nacion
