Liwat na nagpakitang gilas si Pinay tennis sensation na si Alex Eala makalihis daugon si world No. 10 Elina Svitolina sa quarterfinals kan DC Open.
Dinaog ni Eala si Svitolina sa straight sets, 6-3, 6-4, ngani na makalaog sa semifinals kan prestihiyosong torneo.
Sa enot na set, nagribayan nin puntos an duwang players antes nakuwa ni Eala an 4-2 ngani na umabante asin dagos na isara an set.
Sa ika-duwang set, marikas na nakalamang si Svitolina nin 2-0 alagad nakabawi si Eala asin nakapagrehistro nin tulong sunod na pagkagana ngani na makuwa an 4-3 na kalamangan.
Alagad nakapantay pa an Ukrainian sa 4-all, nagtenir na kalmado si Eala asin tinapos an laban sa huring duwang game.
An pagkagana an nagpatunay pa sa tibay kan Pinay tennis star makalihis niyang daugon si Svitolina sa Berlin Open kan Hunyo.
Sa semifinals, makakahampang niya si dating world No. 1 Naomi Osaka, na dinaog si Elisabetta Cocciaretto.
