Nagtugot na suboot an Hamas sa sarong historikal na kasunduan na obhetong dagos na buwagon an saindang mga armas sa Gaza, sa irarom kan plano na pigpapangenotan ni US President Donald Trump.
Segun sa report na parte kan kasunduan an padiit-diit na pag-atras kan mga puwersang Israeli hali sa Gaza mantang ipigsasagibo an disarmament.
Kaibanan man sa plano an pagbilog nin sarong gobiernong Palestinian asin an paglalaag kan international stabilization force na matabang sa pagmamantenir kan seguridad sa lugar.
Inapod ni Trump an kasunduan bilang “historic agreement” na magtataong dalan sa katrangkiluhan asin rekonstruksiyon kan Gaza.
Mientras tanto, kinumpirmar kan Hamas na preparado sindang magtaong konsesyon para sa kapakanan kan mga namamanwaan, ngani na matapos na an garadanan asin dapiritang pagpapalayas.
Sa ibong kaini, nagtetenir na agyat an pagpapaotob kan kasunduan urog na igwang nagkapirang opisyal kan Israel na nagpahayag na bako pa kuntento sa kondisyon.
An nasabing kasunduan an nahihiling bilang importanteng lakdang pasiring sa katrangkiluhan sa Middle East, alagad nagtetenir na masalimuot an landas pasiring sa ganap na paz y orden sa Gaza.
