LEGAZPI CITY—Sarong residential house na pig-okuparan kan duwang pamilya an nasulo sa Araneta St., Poblacion, Bagamanoc, Catanduanes.
Segun ki Bagamanoc Fire Station Officer-in-Charge Senior Fire Officer 1 Richard Cabrera, sa intrevista kan Bombo Radyo Legazpi, tulos man ining narespondehan kan saindang mga personahes.
Nagrehistro an nasulong two-storey building nin partially damaged kun sain naislabar pa an parte kan dining room asin kitchen room kaini.
Dugang niya na wara man na nairidong indibidwal sa nasabing insidente asin nagpapadagos an imbestigasyon kan ahensya sa nagin kawsa kan kasulo.
Mientrastanto, abiso ni Cabrera na pwedesir mag-apod sa 911 en kaso may kinakapuhang respondehan na siring na insidente.
Siring man na ugalion na ipa-check an electrical wirings kan harong nganing dae na mautro an siring na mga pangyayari.
