LEGAZPI CITY-Inapod ni Vice President Sara Duterte na “tuta” nina President Ferdinand Marcos Jr. asin dating Senador Antonio Trillanes IV an International Criminal Court (ICC)
Ipinahayag niya ini sa saiyang talumpati sa hampang kan mga Duterte supporters na nagtipon sa luwas kan ICC sa The Hague, Netherlands kan Miyerkules, Hulyo 29.
An pagtiripon isinagibo mantang nagpapadagos an pagdangog kan ICC sa kasong crimes against humanity laban kay dating Presidente Rodrigo Duterte.
Kinuwestiyon ni Duterte an suboot pagigin patas kan ICC asin nanindugang piggagamit suboot an hukuman laban sa saindang pamilya.
Pinuna man niya an suboot nagin papel nina Marcos asin Trillanes sa pagsangat nin kaso asin pag-arestar sa dating Presidente.
Marurumdumang padagos na nanindugan an kampo ni dating Presidente Rodrigo Duterte na warang hurisdiksyon an ICC sa Pilipinas matapos kumalas an nacion sa Rome Statute kan 2019.
Alagad naninindugan an ICC na posibleng madagos an paglilitis sa mga kasong isinangat katakod kan mga alegasyong krimen na nangyari kan miyembro pa an Pilipinas kan Rome Statute.
