Pigkakarkulong ganap na mahahali sa bill nin kuryente an system loss charge sa taong 2027 segun ki Energy Secretary Sharon Garin.
Aminado man an opisyal na bako ini madali alagad posible sindang mag-isyu nin mga polisiya, posible suboot na mahaluyan an implementasyon kaini sa lado kan electric cooperatives.
Katakod kaini, sinabi ni Sec. Garin na tulos nindang pupuunan an pagtukar kaini kaibanan an Energy Regulatory Commission (ERC) asin National Electrification Administration (NEA).
Kaibanan sa mga pag-aadalan an labi sa 100 electric cooperatives asin private distribution utilities ngani na maaraman an kinakaipuhan na pamumuhunan ngani na mabawasan an recoverable system losses o mga nawawarang kuryente sa sistema na pigpapabayadan sa mga konsumidores.
Mientras tanto, sa oras na maimplementar ini, pigkakarkulo kan Energy Department na mababa an bill sa kuryente nin 5% hasta 10%, depende sa distribution utility.
