LEGAZPI CITY—Ipigdoon kan sarong political analyst na mantang warang problema sa nagin speech ni Presidente Ferdinand “Bongbong” Marcos Jr. sa saiyang State of the Nation Address an may problema ini pag-abot sa saiyang naging performance o mga aksyon.
Segun ki Prof. Dennis Coronacion, sa intrevista kan Bombo Radyo Legazpi, na dakula an pagkakaiba kan saiyang speech sa saiyang mga gibo.
Tinawan-doon kaini na an mga tinaram kan presidente, an dapat katumpad man kan saiyang mga aksyon o magkaigwa nin epekto sa buhay kan ordinaryong namamanwaan.
Dugang ni Coronacion na sa ibong na pasado an speech ni Presidente Marcos, alagad bako maray pag-abot sa performance urog na kadakol man liwat an nagtiitios.
Mientrastanto, pagiromdom kaini sa publiko na dae magsawa na i-monitor an political issues sa nacion huli sa ini an nakakakaapektar sa pang-uro aldaw na pamumuhay kan mga Pilipino.
