LEGAZPI CITY—Kamawotan ngunyan ni Kapitan Ronaldo Miña kan Barangay Buyoan, Legazpi City na matukar sa isasagibong State of the Nation Address (SONA) ni Presidente Ferdinand R. Marcos Jr. sa Lunes, Hulyo 27, an mapadapit sa Barangay and Sangguniang Kabataang Elections, isyu sa flood control projects, magin kun ano pa an piglalaoman na tabang kan namamanwaan hale sa Marcos administration.
Segun sa opisyal sa intrevista kan Bombo Radyo Legazpi, makakaapekto an pagtukar kan Presidente kun madagos man an Barangay and Sangguniang Kabataang elections nganing makahanda man an mga aspirants asin dae na magparahalat an mga barangay officials na madalagan man sa eleksyon sa kun madadagos ini o dae.
Dapat man suboot na itukar an flood control projects sa kun madedesisyunan na pundohon ini huli sa apektado man kaini an proyektong pangkauswagan sa kada barangay.
Dugang niya na dakol pang namamanwaan an naghahalat nin tabang gikan sa presidente kaya dapat sana ining maipaliwanag kan punong ehekutibo.
Tinawan man kan kapitan nin score na 7 out of 10 an administrasyong Marcos huli sa ibong kan kadifisilan, an nahling niya man giraray na makusog man liwat an presidente sa paagi na nabawi kaini sa mga social services.
