LEGAZPI CITY-Ipinangaran sa Broadway star Singer-song writer na si Lea Salonga an bagong species kan flowering plant na “Begonia” na mahihiling sa Surigao del Sur sa Mindanao.
An Begonia leasalongae, na madudukayan na nagtutubo sa malilim, mamasa-masa, asin magapong dalisdis sa gilid kan mga saradit na creek sa Sitio Cabugi, Unidos, Tago, Surigao del Sur.
Kahawig ini kan Begonia noraaunoriae na nadiskubre kan taong 2023 asin ipinangaran sa namaaram na National Artist na si Nora Aunor.
An bagong nadiskubreng tanom, iniladawan nina Freddie A. Blasco, Grecebio Jonathan D. Alejandro, Junelito C. Cortes asin Rosario R. Rubite.
Bisto si Salonga sa saiyang pagganap bilang si Kim sa pelikulang “Miss Saigon,” na nagkamit kan saiyang Best Actress asin Outstanding Actress awards hale sa Tony Awards, Olivier Awards, Drama Desk Awards, Outer Critics Circle Awards asin Theatre World Awards.
Siya man an boses kan mga singer sa likod kan mga karakter nina Princess Jasmine sa pelikulang “Aladdin” kan Disney, Fa Mulan sa “Mulan” asin Celine sa “KPop Demon Hunters.”
Kan taong 2025, nakagibo nin historya an Broadway star bilang enot na Pilipina na nakatanggap nin star sa Hollywood Walk of Fame.
