LEGAZPI CITY-Padagos na makakaeksperyensya an Bicol Region nin epekto kan habagat na mas pinakusog kan Bagyong Kiyapo.
Segun kay Weather Specialist Melvin Almujela, sa intrevista kan Bombo Radyo Legazpi, na maapektaran man kan habagat o Southwest Monsoon an parte kan Sirangan asin Southern Luzon, Visayas, asin Mindanao.
Huli digdi, makakaeksperyensya man Bicol Region nin kalat-kalat na pag-uuran asin mga pagdaguldol.
Mientras tanto, an mga baybayon, magigin banayad sagkod moderato an mga paghukol.
An paros na namamatean kan rehiuon, dara kan habagat na mas pinakusog pa kan Bagyong Kiyapo.
Alagad sa mga masunod na aldaw, mas magkakaigwa nin magayon na panahon sa rehiyon alagad laoman man liwat an mga scattered rains, asin thunderstorms huli sa habagat.
Sa presente, wara man nin pinagbabantayang raot nin panahon an ahensya afuera sa epekto kan Habagat asin Bagyong Kiyapo.
