LEGAZPI CITY—Liwat na mahahampang sa dakulang kadifisilan bako sana sa mga grupo nin mga driver kundi magin sa namamanwaan an panibagong pagsikad kan presyo nin petrolyo ngunyan na semana.
Magigiromdomang basado sa pagtatantiya, makawat sa P10-P11 an magigin taas-presyo sa kada litro kan diesel asin P3-P4 para sa gasolina.
Segun ki Pagkakaisa ng mga Samahan ng Tsuper at Operator Nationwide (PISTON) President Mody Floranda, sa intrevista kan Bombo Radyo Legazpi, na bako harayo na posibleng magsakat giraray sa P80-P100 an presyo kan diesel asin gasolina.
Nangangapudan an grupo sa gobierno na liwat na pag-adalan an saindang mga programa, huli sa dae man suboot nakakatabang an subsidy na haros kadaklan sa ngunyan an dae pa nakakaresibe, magin an service contracting na kun sain an iba an hasta sa ngunyan dae pa nababayadan.
Dapat suboot na magkaigwa nin konkretong solousyon siring kan pagbasura sa oil deregulation law asin pagtanggal sa excise tax sa petrolyo nganing bako sanang sektor an manginabang kundi gabos na namamanwaan.
