LEGAZPI CITY-Ipighayag kan Philippine Institute of Volcanology and Seismology na posibleng hudyat kan pagputok kan Bulkang Mayon an naeeksperyensyahang earthquake swarms o mga serye nin pagyugo sa provincia.
Segun kay Phivolcs Chief of the Seismological Observation and Earthquake Prediction Division Dr. Winchelle Ian Sevilla, sa intrevista kian Bombo Radyo Legazpi na pinagtutubudan nindang posibleng magin hudyat kan paparaning pagsabog kan Bulkang Mayon an mga nairekord na earthquake swarms.
Dagdag pa niya na komon na nade-detect ninda an mga ini bago magputok an Bulkang Mayon.
Sinabi man kan opisyal na igwang mga pag-aadal na nagsasabing saro ining “Distal volcano-tectonic (dVT) earthquakes” kun sain ibig sabihon kaini.
igwang distansya sa Bulkan asin an earthquake signal wave form, iyo an parehas sa sarong tectonic earthquake.
Posible suboot ini huli ta enkaso igwang nag-aangat na magma sa irarom kan bulkan, nade-deform an lugar asin nata-transfer sa faults, kun sain digdi igwang swarms na nag-trigeer kan pagsakat kan magma.
Kun kaya posibleng igwang relasyon an pagyugo sa mga aktibidades kan Bulkang Mayon.
Sinyales suboot an mga earthquake swarms na igwang nagsasakat na magma sa Bulkan.
Mientras tanto, sinabi man kan ahensya na ini na an pinakahalangkaw na record kan pagyugo sa nasabing area.
