LEGAZPI CITY-Ipighayag kan Political Analyst na si Prof. Amr Solon Sison na posibleng estratehiya kan panel kan prosekusyon an pagbutas kay Office of the Vice President Chief of Staff Atty. Zuleika Lopez bilang witness sa nagpapadagos na impeachment trial ni VP Sara Duterte.
Segun saiya sa intrevista kan Bombo Radyo Legazpi, na posibleng mapalawig ini kan prosekusyon huli sa kawaran ni Lopez asin Bello.
Huli digdi, pinaglalaoman suboot an pagpapalitan nin mga argumento na pwedisir ipresentar kan duwang kampo.
Sinabi man ni Sison na mantang na-establish man an punto kan artikulo asin magigin redundant an argumento, alagad kun ipe-presentar pa si Lopez bilang witness, posibleng gamiton ini kan depensa.
Mientras tanto, nagin “carefull” man suboot sa pagsimbag an ikaduwang witness na si Atty. Jeremy Lotoc bilang saro siyang abogado asin na-invalidate niya man an saiyang katwiran.
