Nilinaw ni Trial Presiding Officer Francis “Chiz” Escudero na nakabase sa naga iral na ley an 16 votes threshold para sa conviction sa impeachment trial ni Vice President Sara Duterte asin dae pinagkasunduan kan mga senador.
Segun ki Escudero, nakabase an saiyang nagin pahayag sa probisyon kan Konstitusyon asin sa desisyon kan Korte Suprema sa kaso kan Bayan v. Zamora, kun sain nilinaw na an kinakaipuhan na numero kan mga senador an nagtetenir na basado sa bilog na komposisyon kan
Senado maski igwang nagkapirang miyembro an bako available huli sa nagkapirang rason.
Paliwanag kaini na dapat na sunudon man liwat kan impeachment court an kinakaipuhan na numero basado sa Konstitusyon na two-thirds kan gabos na miyembro kan Senado o katumbas nin 16 na boto hali sa 24 na senador para sa conviction.
Aminado man si Escudero na igwang nagkapira na bako uyon sa saiyang interpretasyon sa ley, alagad pigduon na an desisyon an parte kan ley afuera na sana kun ini an baliktadon.
Paglilinaw pa ni Escudero na alagad napag-olayan, dae niya pigpapa aram an saiyang mga pahayag o posisyon sa iba pang senator-judges.
