Nagsunad nin panibagong reklamong grave oral defamation si Senador Erwin Tulfo kontra ki dating Representative Mike Defensor, Atty. Levito Baligod, asin duwa sa mga nagpabistong dating bodyguard ni Zaldy Co na sinda Jeron Valderama asin Bernard Gumban.
An mga bagong reklamo an isinunad sa Mandaluyong City Prosecutor’s Office ngunyan na Miyerkules, Hulyo 8.
Afuera kinda Defensor asin Baligod, kaibanan man sa mga kinasuhan sinda Quezon City Councilor Ranulfo Ludovica asin Atty. Virgilio Garcia.
Nag-ugat an reklamo sa ginibo suboot na “unauthorized” Blue Ribbon Committee hearing asin press conference kan grupo kan Hunyo 16, 2026.
Idinawit si Tulfo sa sarong maanomalyang kickback scheme asin suhol gamit an maleta hali sa mga flood control projects.
Maduon man na pinahimutikan kan senador an mga akusasyon.
Nanindugan siya na wara siyang naresibe na anuman na maleta o kickback huli ta wara man siyang pigkakaputan na pondo para sa flood control o mga infrastructure projects.
