Ipigsugo na ni Presidente Ferdinand Marcos Jr. an pagpapaotob nin whole-of-government approach para sa preparasyon sa pinag-aantisiparan na paglaog kan sarong super typhoon ngunyan na semana.
Segun ki Palace Press Officer Claire Castro, nakikipag koordinar na an Palasyo sa NDRRMC ngani na siertuhon an kahandaan kan gobierno.
Kaibanan sa direktiba kan presidente an pagsasagibo nin pre-disaster risk assessment scenario meetings sa mga apektadong rehiyon.
Ipigsairarom na man sa widest alert an mga response clusters kan NDRRMC asin RDRRMC.
Pigsugo man an mga lokal na gobierno na puunan an preemptive evacuation sa mga high-risk areas asin pigpapa sierto an kaligtasan kan mga evacuation centers kaibanan an paglalatag nin livestock equipment zones para sa mga hayop.
Pigsugo man an mga ahensya na mag-preposition nin rescue teams, relief goods asin iba pang essential supplies, asin magsagibo nin inspeksyon sa mga kritikal na imprastraktura.
