LEGAZPI CITY-Nakua kan mga awtoridad an bangkay kan sarong lalaki sa Canal Saint-Martin sa Paris, France, sarong lugar na kan nakaagi nagin popular na swimming spot kan mga turista huli sa matinding tag-init sa lugar.
Segun sa pulisya, nakua an bangkay kan Sabado nin agam kun sain narisa ninda an hubag an lawas kaini, na patunay na pirang aldaw na ining nasa tubig.
Dai pa nabibisto an biktima alagad posible suboot na nasa edad 25 sagkod 35 anyos ini, na padagos pang pig-iimbestigaran kan mga awtoridad.
Kan Hunyo, tinogotan kan gobyerno kan ciudad kan Paris an paglangoy sa Canal Saint-Martin tanganing asin matawan nin paagi an mga residente asin turista na magkarigos digdi huli sa matinding heatwave.
Sa ngonian, pigtutugutan sana an paglangoy sa lugar tuyong Domingo.
Haloy namn na pinatanidan kan mga otoridad an publiko na mag-ingat kun naglalangoy sa Canal asin ibitaran an paglukso sa mga tulay.
Kasabay kaini, opisyal man na binuksan kan Paris an sarong bagong swimming season sa River Seine, kun saen igwa nin lugar na pwedeng magkapag-langoy nin libre.
