Natunton asin nakaolay na kan Mandaluyong City Police an sarong lalaki na nag-viral makalihis manutok nin badil mantang pigkakaolay asin pigkompronta an sarong motorista.
Segun sa kapulisan na nangyari an insidente kan Hunyo 17 sa Barangay Addition Hills, Mandaluyong City.
Sa video, mahihiling an lalaki na garing dagit na dagit asin ikinasa pa an badil mantang pigtataraman an motorista na maghali salugar na pinagparadahan kaini.
Nadangog man sa video an lalaki na nagtaram na “Mainit ang ulo ko! General ako!”
Nagsayuma man an kapulisan na isapubliko an pagkakakilanlan kan nagpabistong dating general.
Enot nang kinumpirmar kan Mandaluyong City Police na dating Armed Forces of the Philippines general an lalaking nasa viral video.
Napag-araman na nag ugat an tensyon sa isyu kan paradahan sa tinampo.
Sinabi man kan kapulisan na dae muna dinara sa kustodiya an suspek huli ta wara pang pormal na reklamo o blotter na ipigsunad an biktima.
Padagos man na pinaghahanap kan mga otoridad an biktima ngani na maaraman kun magsusunad ini nin reklamo, urog na sa posibleng kasong grave threat.
Pinag-iimbestigaran man kun igwang lisensya an badil na ginamit sa insidente.
