Kuminawala hali sa magabat na first half an Germany asin nagpahiling nin late comeback ngani na daugon an Ivory Coast (Cote D’Ivoire), 2-1, sa nagpapadagos na World Cup competition.
Haloy na na-outplay an Germany sa enot na parte kan laban asin nawalat an iskor makalihis an amay na goal ni Franck Kessié sa ika-10 minuto para sa Ivory Coast.
Sa ibong kan kontrol kan kalaban sa possession, nagtenir na buhay an Germany hasta sa second half, kun sain nagpuon na maghiro an bench strength ni coach Julian Nagelsmann.
Ilinaog an nagkapirang fresh players, kaibanan si Deniz Undav, asin digdi padiit diit na nagbago an direksyon kan kawat.
Nagpahiling tulos nin epekto si Undav kan makapantay sa ika-68 minuto makalihis an long pass ni Nadiem Amiri, antes dagos na tapuson an comeback sa stoppage time sa paagi kan clinical finish hali sa assist ni Felix Nmecha.
Huli sa duwang goal ni Undav, nakuwa kan Germany an importanteng pagkagana asin nakumpirmar an saindang puwesto sa knockout stage.
