Kinigkig kan Ecuador an Germany sa saindang paghahampangan makalihis daugon an pigkokunsiderar na football powerhouse, 2-1.
Sinapar kan Germany an upset sa ibong kan amay na goal kan striker na si Leroy Sané, na nakapuntos sa ika-duwang minuto pa sana kan laban.
Marikas man na nakabawi an La Tri kan makapagrehistro nin goal an winger na si Nilson Angulo sa 9th minute ngani na maitabla an iskor sa 1-1.
Nagin pisikal man an mga nagsunod na minuto mantang parehong matindi an depensa kan duwang koponan.
Paglaog kan 77th minute, nailaog ni Gonzalo Plata an goal sa haraning distansya.
An nasabing goal an nagselyo sa laban makalihis magpalyar an parehong lado na makapagdugang nin puntos hasta sa pagtatapos kan second half.
