LEGAZPI CITY-Nakapagrehistro si Deniz Undav nin duwang goal hale sa bench kan makabawi an Germany asin madaog an Ivory Coast, sa score na 2-1, sa World Cup Group E.
Huli digdi, sierto na an saindang puwesto sa knockout stage sa enot na pagkakataon poon kan maganahan nind aan titulo kan 2014.
Matapos ma-disallow an duwang goal sa first half kan Sabado, dai nawara an focus kan Germany asin ginamit an saindang huring laban, mantang nagpahiling an West Africans nin dinamikong klase nin mga atake sa football sa sarong mabangis na laban sa Group E.
Naitabla ni Undav an iskor gamit an sarong kontrolado asin volleyed finish sa ika-68 minuto asin liwat na nakaiskor kan maresibe an pasa sa turn, bago umikot asin nagpakawala kan bola, na dai napugulan ni Yahia Fofana.
An versatile striker ngonian, igwang siyam na goal sa saiyang huring walong laban.
