LEGAZPI CITY-Padagos na nilalabanan kan mga bumbero an pinakadakulang wildfire na nairehistro sa historya kan Belgium, kun sain uminabot na sa 3,000 ektarya an nasulo digdi asin madali nang makaabot sa hangganan kan Germany.
Nasusulo man an High Fens, na sarong nature reserve sa sirangang parte kan nacion, poon pa kan Biyernes.
Katuwang na man kan bumbero an militar, mga paraooma, asin mga responder hale sa Germany asin Luxembourg sa pag-apula kan kalayo.
Segun sa mga otoridad, nakatutok ngonian an mga responder sa parte kan kasulo na pasiring sa Germany, mantang piglalaoman na makakatabang an mas malipot na panahon sa pagkontrol sa wildfire.
Nagkapirang residentes na man sa mga lugar harani sa hangganan an pig-ebakwar huli sa mahibog na aso.
Sinabi kan otoridad na wara pang harong an apektado, alagad nagtetenir na halangkaw an lebel kan kasulo asin dai pa nakakalikas an ibang residentes sa saindang mga harong.
