LEGAZPI CITY—Arestado an sarong pigtutubudang illegal recruiter makalihis magbayolar sa Republic Act No. 10022, na nag-amyenda sa Republic Act No. 8042 o ang Migrant Workers and Overseas Filipinos Act of 1995 sa Legazpi City.
Segun ki Albay Police Provincial Office Director Police Colonel Noel Nuñez, sa intrevista kan Bombo Radyo Legazpi, ginibo an operasyon sa opisina kan sarong consultancy services sa nasabing ciudad kun sain an manner kan saindang piggibo iyo an illegal recruitment activities.
Segun sa opisyal na nagsagibo nin validation asin surveillance ang DMW Regional Office V, kaiba an Criminal Investigation and Detection Group Regional Field Unit 5, makalihis mamonitor ang sarong media post asin anunsyo sa sarong radyo mapadapit sa sarong orientation sa pagtrabaho sa Australia.
Ginibo an entrapment operasyon sa pangengenot kan CIDG Regional Field Unit 5, Department of Migrant Workers Regional Office V, asin Legazpi City Police Station, kun sain naaresto an sarong persona.
Nakumpiskar digdi an kwarta, pigggamit na laptop, mga dokumento asin cellphone na ginamit sa transaksyon.
Sa presente nasa kustodiya kan CIDG an suspek para sa profiling kan saiyang kaso.
Nagpapasalamat man si Nuñez sa mga namamanwaan na naghahatod nin impormasyon sainda mapadapit sa mga nanunutarang ilegal na gibo asin sainda man na pigsierto na saindang pigggibo an trabaho nganing mamantinir an paz y orden sa komunidad.
