Inihayag ni U.S. President Donald Trump na nagadan sa sarong military strike kan Estados Unidos si Hector Rusthenford Guerrero Flores o “Niño Guerrero,” ang lider kan Venezuelan prison gang na Tren de Aragua.
Segun ki Trump, isinagibo kan U.S. Southern Command ang marikas asin koordinadong operasyon katabang an mga awtoridad ng Venezuela.
Kinumpirmar man ni Defense Secretary Pete Hegseth na nagadan si Guerrero sa naturang opensiba. Sinabi man kan information ministry ng Venezuela na nagkaigwa nin sagupaan sa mga miyembro kan mga grupong kriminal asin nagadan si Guerrero sa operasyon na isinagibo sa tabang kan intelligence sharing asin specialized technology kan duwang nacion.
Haloy nang pinatawan kan US nin sanctions si Guerrero asin iba pang lider kan Tren de Aragua huli sa suboot pagkakadawit sa drug smuggling, human trafficking, asin money laundering. Ipigkonsiderar man kan US State Department ang grupo bilang sarong terrorist organization.
Nakadulag si Guerrero hale sa Tocorón prison sa Venezuela kan 2023 kaiba an iba pang lider ng grupo.
