LEGAZPI CITY-Nasungkit ni Alex Enriquez an silver medal sa women’s jiu-jitsu sa nagpapadagos na 20th Asian Games.
Nadaog siya kan pambato kan Thailand na si Orapa Senatham sa 63kg jiu-jitsu finals.
An laban natapos sa 0-0 na deadlock, alagad si Senatham nanggana basado sa mga bentahe kaini.
An resultang ini, nagmarka nin sarong kahanga-hangang performance ni Enriquez, na nasierto an pinakamarahay na pagtatapos kan Pilipinas sa lado kan jiu-jitsu sa Asian Games.
Sa presente nangengenot man liwat an China na igwang 169 gold medals, 89 silver, asin 83 bronze, na pigsusundan kan Japan na igwang 83 gold, 95 silver asin 91 bronze medal.
Nasa ika-tulong pwesto man an South Korea na igwang 39 gold, 43 silver asin 68 bronze.
An Pilipinas man an nasa ika-17 na pwesto na igwang apat na gold medal, siyam na silver asin 16 bronze medal.
