LEGAZPI CITY-Record breaking si Albert Ian Delos Santos sa nagin laban kan Pilipinas sa 2026 Asian Games men’s 70kg weightlifting division ngonian na aldaw nin Sabado na isinagibo sa Nagoya City Trade and Industry Center sa Japan.
Naguno kan 20-anyos na si Delos Santos an bronze medal para sa Pilipinas.
Siya an pinaka-joven sa nine-man field na nag-alsa nin total na 324kg built sa 141kg snatch asin 183kg ngani magtapos sa ikatulong pwesto.
An saiyang output digdi an nag-set kan saiyang bagong junior world asin junior Asian record.
Mantang si Ri Won Ju kan North Korea an nakasungkit kan gintong medalya sa 349kg na igwang bagong rekord sa Asian Games asin si
Masanori Miyamoto naman kan Japan an nakasungkit kan silver medal sa 342kg.
Nasa ika-apat na pwesto na man an trailing lifters gikan sa Japan, North Korea, asin Uzbekistan.
Ini an ika-sampulong medalya kan Pilipinas, kun sain igwa nang duwang gold sa presente, duwang silver, asin anom na bronze
