LEGAZPI CITY-Inanunsyo kan Department of Education (DepEd) Legazpi na suspendido an face-to-face classes sa Lunes, Oktubre 5, 2026 sa ciudad ngani tawan nin bilog na aldaw an selebrasyon kan Teacher’s Day.
Segun ki Schools Division Office (SDO) Legazpi Spokesperson Santi Araña, sa intrevista kan Bombo Radyo Legazpi na kan nakaaging aldaw nagsagibo na nin school-based teacher’s day celebration ngani gabos na paratukdo an makakapag-atendir sa Lunes para sa sarong culminating act.
Magkakaigwa kaya nin sarong selebrasyon na gaganapon sa Ibalong Center for Recreation kun sain kadakol na sorpresa an ihahatod sa mga paratukdo sa ciudad kan Legazpi.
Arog kan mga pa-raffle nin motorsiklo, bagas, magin television sets an ipapanao sa mga mapipiling paratukdo.
Magtatao man suboot nin honra para sa “Inspiring Teachers Award” ngonian na taon, bilang pagbisto sa saindang pagserbisyo.
Magkakaigwa man nin Mr. and Mrs. contest kun sain maglalaban-laban an mga paired contestants sa kada distrito.
Sinabi kan opisyal na ipigsasagibo ini ngani magtaong kaogmahan asin iselebrar an kaaldawan asin serbisyong hatod kan mga paratukdo sa ciudad.
