LEGAZPI CITY-Namaaram na si Princess Bajrakitiyabha kan Thailand makalihis na ma-coma sa laog nin labing tulong taon.
Inanunsiyo kan royal household an tuluyang pamamaaram kan 47 anyos na Thai Princess.
Marurumduman na kan Disyembre 2022, bigla siyang natumba mantang nag-eehersisyo kaiba an saiyang ataman na ayam.
Sa isinagibong pagsusuri sa Thai Princess, nadiskubre na igwa siyang mycoplasma infection sa saiyang puso.
Siya an pinakamatua sa pitong aki ni King Vajiralongkornkan Thailand.
Namundag siya kan Disyembre 7, 1978, asin nakapag-adal nin abogasya asin nagkaigwa nin duwang post-graduate degree gikan sa Cornell University sa Estados Unidos.
Nagtrabaho man siya nin nagkapirang panahon sa Thai mission sa United Nations sa New York bago magbaliik sa Thailand asin nagtrabaho sa Attorney-General’s office sa Bangkok.
