Nilinaw ni Acting Senate President Sherwin Gatchalian magtetenir na 16 na boto an kinakaipuhan ngani na mahatulan si Vice President Sara Duterte sa paparaning impeachment trial sa ibong kan orolay sa quorum sa Senado.
Ini makalihis kwestyunon ni Senator Alan Peter Cayetano kun pwedesir na maapektaran an numero kan kinakaipuhan na boto sa impeachment proceedings kasunod kan nagin interpretasyon kan bagong mayorya na bastante an 12 senador ngani na magkaigwa nin quorum kan Hunyo 3.
Segun ki Gatchalian, malinaw an nakalaag sa Article XI, Seksyon 3(6) kan 1987 Constitution na kinakaipuhan kan pag uyon kan 2/3 kan gabos na miyembro kan Senado ngani na magkaigwa nin conviction sa sarong impeachment case.
Huli ta 24 an kabilugan na numero kanmga senador, sinabi kaini na nagtetenir na 16 na boto an constitutional threshold para sa conviction asin dae ini magbabago anuman an numero kan mga senador na mag-atendir sa trial o kun siisay man an mag kontrol sa mayorya, o kung siisay an namamayo sa impeachment court.
Dugang pa ni Gatchalian na nagpapadagos an preparasyon oara sa impeachment trial sa Hulyo 6.
Susunudon suboot kan Senado an ipigtatalaan kan konstitusyon sa pagdangon kan impeachment complaint kontra sa bise presidente.
