Nagbalos an Estados Unidos nin mga airstrike kontra sa Iran makalihis akusaran ni U.S. President Donald Trump an nacion nin pag-atake sa sarong US helicopter sa Strait of Hormuz, na nagresulta sa military response.
Segun sa U.S. military, nagpuon anoperasyon bandang 5:00 p.m. Eastern Standard Time, bilang kasimbagan suboot sa pagbagsak kan Apache helicopter.
Tinawan duon kan Amerika na “proportional response” an ginibong strike kontra sa inapod kaining “unjustified Iranian aggression.”
Napag-araman na naisalbar an duwang piloto kan helicopter sa paagi kan sarong unmanned sea drone asin kalaunan an nailipat sa salbadong lokasyon.
Sinabi man ni Trump na salbado asin warang nairido sa duwang crew, alagad pigduon na kaipuhan kan Estados Unidos na magbalos sa insidente.
Mientras tanto, bako man malinaw kun tinuyo an atake sa helicopter, segun sa nagkapirang opisyal kan Estados Unidos.
Dae man direktang inako kan Iran an responsibilidad sa pag-atake, alagad kinumpirmar kan nagkapirang Iranian media na may nangyaring pagbagsak nin aircraft.
