LEGAZPI CITY-Sinuspinde kan executive bureau kan International Criminal Court (ICC) si Chief Prosecutor Karim Khan huli sa mga alegasyo kan sexual misconduct o pang-aabusong sekswal.
Desisyon ini kan 21-member bureau kan Assembly of States Parties (ASP) asin namamayo sa ICC, sa paagi kan qualified majority na suspindihon si Khan mantang nakabinbin pa an pinal na desisyon sa nabanggit na bureau bilang competent decision-maker.
Ipig-duon kan bureau na an suspensyon, bakong indikasyon kan pinal na resulta.
Marurumduman na inakusaran si Khan kan suboot indecent behaviour sa sarong babaying empleyado na nagtatrabaho saiya.
Nagpoon an isyu kan taong 2024, kun saen inakusaran si Khan kan sarong babaying assistant na nagsabing pig-harasss siya asin pinirit para sa bako kanais-nais na gawi.
Bago pa man an saiyang opisyal na suspensyon kan Hunyo 2026, boluntaryong nag-file si Khan nin leave of absence kan Mayo 2025 ngani tutukan an imbestigasyon.
Pauru-utro niya man na pinahimutikan an mga alegasyon laban saiya.
Si Khan midbid sa pag-asikaso nin mga halangkaw na kaso, kabali an mga warrant laban ki Presidente Vladimir Putin kan Russia asin Israeli Prime Minister Benjamin Netanyahu, siring man an imbestigasyon laban ki dating Presidente Rodrigo Duterte.
