Idodonar kan bagong Senate majority an saindang sarong bulan na sweldo ngani na matabangan an mga biktima nin makusog na linog sa Sarangani asin nagkapirang parte kan Mindanao.
Sa pahayag kan nasabing mga senador, sinabi kaini na nakikisumaro an bagong mayorya kan Senado sa mga pamilya asin komunidad sa Mindanao na nahahampang sa padagos na rescue, relief asin recovery efforts.
Pigpapangenotan an mayorya ni Senate President Pro Tempore Sen. Sherwin Gatchalian asin Majority Leader Sen. Juan Miguel Zubiri.
Kaibanan pa digdi sinda Senator Vicente Sotto III, Panfilo Lacson, Risa Hontiveros, Bam Aquino, Francis Pangilinan, Erwin Tulfo, Raffy Tulfo, JV Ejercito, Lito Lapid, asin Senator Chiz Escudero.
Inimbitaran man kaini an mga kapwa senador sa minorya na magpartisipar man sa nasabing inisyatiba.
