LEGAZPI CITY-Kumpiyansa an Department of Education (DepEd) na maabot kaini an 26 milyones hasta 28 milyones na mga estudyante ngonian na school year 2026-2027.
Segun ki Assistant Secretary Jocelyn Andaya, bastante an mga teaching asin non-teaching personnel ninda sa pampubliko sa elementary asin secondary level para sa nasabing numero kan mga estudyante.
May mga eskwelahan na kulang an mga paratukdo mantang an iba mas kadakol.
Basado sa saindang teacher-to-student ratio, igwa nin sarong paratukdo sa kada 35 na estudyante sa elementarya mantang sa sekondarya igwa nin sarong paratukdo sa kada 45 na estudyante.
Mantang an mga ratio kan klase, saro sa kada 32 na estudyante sa elementarya; sarong klasrum para sa kada 39 sa junior high school asin saro para sa kada 36 para sa senior high school.
