LEGAZPI CITY-Dai mababa sa haros 90 katawo an nagadan asin duwa an nawawara pagkatapos kan pagsabog kan coal mine sa Northern China.
Susog sa mga rescue officials, na nasa 90 katawo an gadan poon kansudma, aldaw nin Sabado, Mayo 23.
Nairehistro an pagsabog kan gas sa Liushenyu Coal Mine sa probinsya nin Shanxi, kun saen nangyari man an pinakagrabeng mining disaster sa China kan taong 2009.
Nasa 247 an kumpirmadong mga trabahador na nakadestino digdi kan mangyari an pagsabog kan Biyernes, kun sain labi sa 100 na katawo an naligtas asin ginatos na mga rescuer an ipinadara sa lugar.
Sinabi ni Chinese President Xi Jinping na dapat mag-ingat sa paghihingoa na bulugon an mga nairido asin hanapon an iba pang nakaligtas.
Sinabi kan state council kan nacion na sarong “mahigot” na imbestigasyon an gigibohon asin papadusahan an mga responsable sa pangyayari.
Mientras tantro, nasa 128 katawo pa an presenteng pigbubulong sa mga ospital kaibanan na an duwa na nasa kritikal na kamugtakan.
