LEGAZPI CITY—Nakumpiskar an pocomas o menos P3.4 milyon na shabu durante kan isinagibong search warrant operation sa Barangay Bigaa, Virac, Catanduanes.
Segun ki Catanduanes Police Provincial Office Public Information Officer Police Lieutenant Colonel Emsol Icawat, sa intrevista kan Bombo Radyo Legazpi, an suspek an presenteng nagtitinir sa nasabing banwaan asin haloy nang pigmamanan kan mg otoridad.
Dugang kaini na nagpapabakal nin mga manok na pang-tupada an suspek asin saro ining tricycle driver.
Narekober digdi an nasa 91 na heat-sealed transparent plastic sachets na shabu.
Ginibo an operasyon kan Regional Provincial Drug Enforcement Unit, Virac Municipal Police Station, Provincial Intelligence Unit, sa pakikipagkoordinar sa Philippine Drug Enforcement Agency (PDEA) sa paagi kan Search Warrant na inisyu kan Regional Trial Court, Fifth Judicial Region, Branch 43, Virac, Catanduanes na may petsang Mayo 4, 2026.
Mientrastanto, mahahampang an suspek sa kasong pagbalgar sa Republic Act 9165, otherwise known as the Comprehensive Dangerous Drugs Act of 2002.
