LEGAZPI CITY-Nagpromisa an Thailand asin Cambodia na ipapadagos ninda an bukas na komunikasyon asin lilikayan an mga lakdang na posibleng magpalala sa tensyon makalihis an trilateral meeting na pinangenotan kan Pilipinas sa sidelines kan 48th ASEAN Summit.
Isinagibo an miting sa tahaw kan matinding tensyon sa pagultanan kan Thailand asin Cambodia huli sa pinagaagawang teritoryo harani sa Preah Vihear temple asin nagkapirang parte kan Gulf of Thailand.
Nagpasalamat man si Cambodian Prime Minister Hun Manet asin Thai Prime Minister Anutin Charnvirakul sa Pilipinas sa pag-partisipar sa nabanggit na dayalogo.
Segun ki Manet, handa an Cambodia na magpadagos na igwang marhay na kahagadan.
Mientras tanto, sinabi man ni Anutin, na importanteng ibitaran an iriwal kan duwang magkataning na nacion, par asa katoninongan.
Pinangenotan ni President Ferdinand Marcos Jr. bilang ASEAN chair bilang parte kan papel kan nacion.
Kasabay kaini, ipighayag ni Marcos an pag-extend kan mandato kan ASEAN Observer Team (AOT) hasta sa Hulyo ngani ipadagos an pagbabantay sa pagpapaoton kan mga kasunduan sa pagultanan kan Thailand asin Cambodia.
