Inirekomenda suboot ni Iloilo Representative Janette Garin ki Batangas Representative Leandro Leviste an pagsunad na sana nin kaso kontra sa mga pig-aakusarang personalidad siring ninda Executive Secretary Ralph Recto asin CWS Partylist Rep. Edwin Gardiola.
Ginibo ni Garin ang pahayag pirang aldaw makalihis an mga akusasyon ni Leviste kay Recto asin nagkapirang mga kapwa lehislador mantang nasa kasagsagan kan plenary session ang Kamara.
Segun ki Garin, kan matawan siya nin pagkakataon nganing kaolayon si Leviste, inabisuhan na sana suboot niya an lehislador na darahon sa korte an saiyang akusasyon imbes na sa Kamara.
Inabisuhan man suboot niya si Leviste na imbes na ‘manggalaiti’ sa laog kan plenaryo an idagos na sana niya sa lokal na korte an saiyang akusasyon urog na kun may kapot siyang bastanteng ebidensya.
Dae suboot akma na basta na sana pig-aakusaran ni Levista an saiyang mga mga kapwa public servant nin warang paninimbagan.
Mientrastanto, sinabi man ni Garin na pwedesir magin basehan kan sarong ethics complaint ang naging pag-uugali ni Leviste kasunod kan saiyang privilege speech.
