LEGAZPI CITY-Nagsagibo nin sarong school-based urban fire olympics an Bureau of Fire Protection (BFP) Legazpi bilang pagtatao kaaraman asin disiplina sa mga estudyante asin mga kababayan sa ciudad.
Pinangenotan ini kan Legazpi City Fire Station, partikularmente na ni Acting City Fire Marshal Senior Fire Superintendent MC Kevin T Marqueses.
Segun ki BFP Legazpi Public Information Officer Senior Fire Officer 2 Norman Andes, sa intrevista kan Bombo Radyo Legazpi na inatendiran ini kan mga manlaen-laen na ahensya, asin kan representates kan lokal na gobierno asin mga institusyon.
Nagtao man nin suporta an mga eskwelahan sa ciudad kun sain ipinadara ninda an saindang mga pinakamatibay na estudyante.
Mientras tanto, nagpagirumdom man sinda sa publiko na magin mapagmatyag asin mag-ingat sa anumang peligro o insidente para sa saindang seguridad.
