LEGAZPI CITY-Inanunsiyo ni US President Donald Trump na tatawan kan Estados Unidos nin giya an mga barko ngani makaagi sa Strait of Hormuz poon ngonian na aldaw nin Lunes.
Susog sa US Central Command, kabale sa military support an guided-missile destroyers, labi sa 100 aircraft asin 15,000 service members.
Ini ngani suportaran suboot sa “Project Freedom” ni Trump ngani makabawi an kalayaan sa paglalayag sa Strait of Hormuz.
Nilinaw man kan sarong US official na bako ini sarong escort mission.
Segun kay US Central Command Commander Adm. Brad Cooper, an saindang suporta para sa “defensive mission” na importante sa regional security asin global economy kasabay kan saindang pagpapatenir sa naval blockade.
Nagpatanid man an top Iranian official na si Ebrahim Azizi na sarong pagbayolar sa nag-iiral na ceasefire o tigil-putukan an nasabing plano
Sa saiyang post sa Truth Social account, sinabi ni Trump na an patatao nin giya sa mga barko, obhetong mapalaya an mga ini, kumpanya, asin nacion na warang kasalanan asin biktima sana kan mga pangyayari.
Naireport man ni Trump na igwang “very positive discussions” sa pagultanan kan mga kinatawan kan Amerika asin Iran asin nagtutubod na magreresulta ini nin positibo para sa kagabsan.
