LEGAZPI CITY- Nagpapadagos pa ngunyan an clearing operations kan mga otoridad sa natatada pang mga volcanic ash sa mga tinampo kasunod kan aktibidad ka bulkang Mayon.
Segun ki Albay Public Safety and Emergency Management Office Head Bobby Cristobal sa intrevista kan Bombo Radyo Legazpi na nagdugang na sinda nin manpower ngani na marikas na matapos an clearing operatios.
Kaibanan sa nagtatarabangan gunyan an pwersa kan Bureau of Fire Protection (BFP), Philippine Coast Guard, Philippine National Police, Department of Public Works and Highways (DPWH) asin iba pang mga ahensya de gobierno.
Obheto kaini na malinigan an ibinagsak na mga abo ngani na dae magkawsa nin aksidente asin huma sa salud kan publiko.
Mientras tanto, sinabi man kan opisyal na puga-puga man an paghahatod nin tabang sa mga Albayano na apektado kan aktibidad kan bulkan.
Napag-araman na nakapagpaabot na man nin family food packs sa mga apektadong lokal na gobierno sa tabang kan Department of Social Welfafe and Development (DSWD) Bicol.
