LEGAZPI CITY-Pigsugo ni US War Secretary Pete Hegseth an pag-withdraw kan nasa 5,000 U.S. Troops hale sa Germany sa masunod na taon, susog sa Pentagon.
Isinagibo ini makalihis an pananakot ni US President Donald Trump na hahalion an mga tropa na hale sa kaalyado kaini sa North Atlantic Treaty Organization (NATO) sa Germany, sa tahaw kan iriwal laban kay Chancellor Friedrich Merz.
Enot nang sinabi ni Merz na pigpapasupog kan Iran an Estados Unidos sa negotiating table.
Mientrastanto, nagpahayag man nin kritisismo si Trump, kun sain malinaw suboot an suporta ni Merz sa ideya kan Iran na magkaigwa nin Nuclear Weapon.
Sa sarong pahayag, sinabi ni Pentagon spokesman Sean Parnell na laoman ninda na makukumpleto an withdrawal kan saindang mga militar sa sunod na anom hasta 12 bulan.
Sa datos kan Disyembre 31, 2025, igwang 12, 662 active-duty US troops sa Italy asin nasa 3,814 sa Spain, mantang sa Germany naman, igwang 36,436 na tropang militar an Amerika.
