LEGAZPI CITY- Ipigkokunsiderar na matrayumpo an mga ipigkondusir na protest rally sa National Capital Region kasabay kan Labor Day.
Segun ki Partido Manggagawa Secretary General Judy Ann Miranda sa intrevista kan Bombo Radyo Legazpi na pigkakarkulong nasa 20,000 na mga obrero an nakisumaro sa aktibidad.
Mayor na ipinangapudan kan mga ini an pagtatao kan gobierno nin solusyon sa presenteng krisis, pagpapalangkaw kan sahod asin an pagbabawas sa buwis sa mga namamanwaan.
Sinabi kan opisyal na ipinahiling sa aktibidad an pagkakasarado asin pagigin buhay kan kilusang manggagawa kan Pilipinas.
Sa ibong na lado, tinuyaw man kan grupo an suboot garing ‘ghosting’ kan administrasyon na imbes na dangugon an saindang mga hinaing, mas pinili pa ni Presidente Ferdinand Marcos Jr. na magpasiring sa Mindanao.
