Ipigkonsiderar na “terminated” na ang giyera sa pagultangan kan Amerika asin Iran bago pa man an itinakdang deadline sagkod Biyernes, May 1 para sa pag-aprubar kan US Congress sa giyera, segun sa sarong Trump administration official.
Sa irarom kaya kan War Powers Resolution, igwa na sana sagkod Biyernes si US President Donald Trump nganing maghagad nin congressional authorization para ipagpadagos an conflict o wakasan na ini, kun saen may opsyon na palawigon pa an deadline dugang na 30 aldaw.
Segun sa senior official, na nagsayumang pangaranan, an labanan na sumiklab kan Pebrero 28 sa pagultangan kan Amerika asin Iran an terminated na huli sa umiiral na ceasefire.
Sinabi kan opisyal na napundo na an ribayan kan pag-atake sa duwang nacion puon kan maging epektibo ang ceasefire kan Abril 7 asin pinalawig pa kalaunan.
Enot nang ipinaaram kan White House sa US Congress ang military campaign laban sa Iran kan Marso 2 kan presentenh taon, kun sain sagkod Biyernes, ang 60-day milestone para sa Presidente na puonan an “winding-down” kan giyera afuera na sana kun makakyua siya nin congressional authorization.
