LEGAZPI CITY-Nag-apela sa nagin Sangguniang Panlalawigan an Punong barangay kan Brgy. San Roque sa Tabaco City na nasuspinde sa suboot ‘Simple Neglect of Duty’.
Tinawan doon ni Kap Ely Bobiles sa intrevista kan Bombo Radyo Legazpi na an saiyang bayolasyon, huli sana sa saiyang kamawotan na makatabang.
Ini makalihis na pa-istaron niya an sarong solo parent na igwang mga aking menor de edad sa barangay mantang naghahanap nin ibang istaran.
Segun kay Bobiles na bilang pamayo kan barangay asin igwang humanitarian reason, ini suboot an nagin rason kan pagsangat saiya nin kaso.
Sa presente, mensahe niya sa mga residentes kan barangay na dai mahadit huli ta one month asin one day man sana ini asin tatawan man nin linaw an desisyon kan Sangguniang Panlalawigan.
Kahagadan man niya sa gabos na magin kalmado asin mahinahon mantang pighahalat an pinal na desisyon.
