LEGAZPI CITY-Salbado an nasa pitong Parasisira gikan Barangay Agñas, San Miguel Island, sa Tabaco City makalihis na maglubog an saindang fishing boat huli sa pagbangga kan sarong dakulang Tuna.
Nangyari suboot ini kan Setyembre 2, makalihis magpalaot an mga ini pasiring parte kan Sorsogon asin Samar Sea waters ngani magdakop nin Tuna.
Alagad segun ki Tabaco City Disaster Risk Reduction and Management Office (CDRRMO) Head Gel Molato, sa intrevista kan Bombo Radyo Legazpi na pasado maagahon kan Setyembre 6, nakabangga an sarong dakulang Tuna sa fishing boat kaini asin tulos na naglubog.
Nakaligtas suboot an mga parasisira makalihis na maglipat sa saindang ‘wrecker’ asin digdi nagtenir hasta sa maagihan sinda kan fishing boat gikan sa Quezon province.
Tulos na tinabangan suboot an mga ini asin ibinaba sa Sorsogon, dangan na nakauli pabalik sa San Miguel Island, sa Tabaco City.
Kasabay suboot na nalubog an mga kagamitan kan mga parasisira huli sa pangyayari.
Mientras tanto, wara man nin nairehistrong nairido digdi asin nagpaabot na nin tabang an mga opisyales sa mga parasisira.
